ផ្កា 10 ប្រភេទដែលស្អាតបំផុតនៅក្នុងលោក​​​​​​

10 most beautiful flowers in the world

1.ផ្កាសាគឹរ៉ា (Cherry blossom)

ផ្កាសាគឹរ៉ា មាននៅប្រទេសកូរ៉េ, សហរដ្ឋអាមេរិក, កាណាដា, ចិននិងតំបន់ដទៃទៀត តែគ្មានក្លិននោះទេ ខណៈដែលសាគឹរ៉ា​ជប៉ុនត្រូវបានមនុស្សភាគច្រើនសរសើរអំពីក្លិននិងតែងតែត្រូវបានយកទៅរៀបរាប់នៅ​ក្នុងបទកំណាព្យ ។ ផ្កាសាគឹរ៉ារីកនៅចុងខែមីនាដល់ដើមខែមេសា ដែលជាដើម​រដូវ​ផ្ការីក ហើយសីតុណ្ហ​ភាព​ចាប់ផ្ដើមក្ដៅបន្ទាប់ពីផុតរដូវរងា ។

ផ្កាសាគឹរ៉ា

ភាពលេចធ្លោរបស់ផ្កាសាគឹរ៉ាគឺពេលរោយ វារោយស្រុះគ្នា ទើបសាគឹរ៉ាតំណាងឲ្យយោធានិងភាព​ជា​​ប៊ឹស៊ិដុ ឬ ប៊ូស៊ីដូ (Bushido) របស់ជប៉ុន ។

2.ផ្កាចេកទេស (Canna lily)

ចេកទេស ជាប្រទាលមួយប្រភេទ សន្តានរមៀត ផ្ការបស់វាមានច្រើនពណ៌ តែឥតក្លិន ។

ផ្កាចេកទេសចម្រុះពណ៌

3.ផ្កាបក្សីសួគ៌ (Bird of Paradise)​

ផ្កាបក្សីសួគ៌ មានស្លឹកជាស្រទប ស្រដៀងនឹង​ស្លឹកចេក វាចេញ​ផ្កាពេលមានអាយុពី 3-6 ឆ្នាំ ហើយរូបរាងរបស់ផ្កាមានសណ្ឋានស្រដៀងនឹងបក្សីត្រដាងស្លាប ។

ផ្កាបក្សីសួគ៌

4.​​​​​ផ្កាហាយដ្រេនយៀ (Hydrangea)

ហាយដ្រេនយៀ ជាប្រភេទផ្កាគុម្ពនិងមានគុម្ពធំៗ ។ មានកម្ពស់ពី 1-3 ម៉ែត្រ ហើយភាគច្រើនមានកម្ពស់ទាបៗ ។ ផ្កាហាយដ្រេនយៀប្រភេទខ្លះជាដើមត្រង់ ឬវល្លិ និងត្រូវបានចាត់ទុកថាជាផ្ការីកច្រើនរដូវកាល ។

ផ្កាហាយដ្រេនយៀចម្រុះពណ៌

5.ផ្កាខាឡាលីលី (Calla Lily)

ខាឡាលីលី មានប្រភពនៅអាហ្វ្រិកខាងត្បូង ។ វាមានច្រើនពូជធារនិងមាន 2 ប្រភេទ គឺប្រភេទដើម​ត្រង់និងប្រភេទវលិ្ល ។ អត្ថប្រយោជន៍របស់ផ្កាខាឡាលីលី ក្រៅពីប្រើសម្រាប់លម្អហើយ នៅអាចប្រមូលក្នុង 1 ឆ្នាំដល់ទៅ 4-5 ដង ។

ផ្កាខាឡាលីលីចម្រុះពណ៌

6.ផ្កាស៊ូសានភ្នែកខ្មៅ (Black Eyed Susan)

ស៊ូសានភ្នែកខ្មៅ ជាផ្កាដែលរីកនៅគ្រប់រដូវកាល វាមានសម្រស់​ស្រស់ស្អាត មានត្របកពណ៌លឿង និងមានកញ្ចុំពណ៌ខ្មៅនៅចំកណ្ដាល ។

ផ្កាស៊ូសានភ្នែកខ្មៅ

7.ផ្កាលោហិតបេះដូង (Bleeding Heart)

មូលហេតុដែលត្រូវហៅថា ផ្កាលោហិតបេះដូង ព្រោះពេលចេញផ្កាថ្មីៗ នៅក្រពុំ ផ្នែកខាងចុងដែលមាន​រាងស្រួចរបស់ផ្កាមានសណ្ឋានដូចតំណក់ទឹក មានពណ៌ក្រហមដូចតំណក់ឈាម តែពេលរីក តំណក់ទឹកនោះនឹងរបើក ឲ្យឃើញសាច់ពណ៌ស​ និងតំណក់ទឹកហូរចេញពីបេះដូង ។

ផ្កាលោហិតបេះដូង

ឯជនជាតិអាល្លឺម៉ង់ឃើញ​ថាវាបែបនេះ ទើបហៅផ្កានេះថា ផ្កាបេះដូងសម្រក់ទឹក​ភែ្នក (Traenendes herz) ។

8.ផ្កាកណ្ដឹងខៀវ  (BlueBell)

នៅរដូវសឹ្លកឈើលាស់ ព្រៃនៅអឺរ៉ុបត្រូវគ្របដណ្តប់ទៅដោយផ្កាកណ្ដឹងខៀវ ។ ឈ្មោះនេះត្រូវបានដាក់ដោយកវីរ៉ូមែនទិកនៅសតវត្សរ៍ទី 9 កវីដែលមានអារម្មណ៍ថាខ្លួនឯងកំសត់ឯកានិងមានវិប្បដិសារៈ ។

ផ្កាកណ្ដឹងខៀវ

9.ផ្កាឡាន់តា (Lantana)

ផ្កាឡាន់តា មានត្របកពណ៌ផ្កាឈូកនិងពណ៌លឿង ដែលពួកវាជាមេដែកស្រូបទាញមេអំបៅ ។

 ផ្កាឡាន់តាគូ

10.ផ្កាកុលាប (Rose)

កុលាប ជាផ្កាមួយនៅក្នុងចំណោមផ្កាដែលរ៉ូមែនទិច​បំផុត ។ ផ្កានេះបានជ្រាបចូលទៅក្នុងវប្បធម៌និងប្រពៃណីតាមរយៈ​ពណ៌ ដូចជាកុលាបពណ៌លឿងមានន័យដល់មិត្តភាពនិងពណ៌ក្រហម​មាន​ន័យដល់​សេ្នហ៍ស្មោះ។

ផ្កាកុលាបពណ៌ក្រហម

ប្រភពឯកសារៈវេបសាយបរទេស

ប្រភពរូបភាពៈGoogle