តួលេខតាមជំនឿរបស់ជនជាតិជប៉ុន

-លេខ 1

លេខ 1 ជាលេខដែលមិនសូវមានការនិយាយពីវា ហើយបើមានការនិយាយពីវា គឺអាចប្រែបាន 2 ប្រភេទ គឺ ជាកណ្ដាល មិនផ្លាស់ប្ដូរ នឹងធឹង ឬអាចមានន័យដល់ការមិនបានជួបគួគ្រង ។

លេខ 1 ជាលេខមូលដ្ឋាននៅក្នុងការហ្វឹកហាត់សរសេរអក្សរផ្ចង់របស់ជប៉ុនបុរាណ ដែលយើងហៅថា (書道) ជាតំណាងនៃការនៅរស់ ពេលធៀបនឹងពាក្យថា ទំនេរ ឬគ្មានរូបរាងរបស់無 មិនគួរណាមានការឲ្យន័យទៅលើភាពធ្ងន់ធ្ងរ ព្រោះត្រូវបានយកមកដាក់ឈ្មោះមនុស្សបានច្រើន 弌 （はじめ）」「ひとつ」「ひと」「いち」「いつ」។

-លេខ 4

ការបញ្ចេញសំឡេងលេខ 4 ក្នុងភាសាជប៉ុនស្រដៀងនឹងពាក្យដែលមានន័យថា សេចក្ដីស្លាប់ ទើបមានពាក្យ 1 ទៀតសម្រាប់ហៅលេខ 4 ដើម្បីបញ្ចៀសបញ្ហានេះ ។ ដូច្នេះហើយទើបមានរបស់ជាច្រើនដែលគ្មានលេខ 4 ដូចជាអគារគ្មានជាន់លេខរៀង 4 បើមានគឺទុកសម្រាប់ដាក់របស់របរ និងគ្មានសូម្បីតែជាន់ទី 44 ។

し/四 (shi/yon) ស៊ិ ឬ ស៊ី/ យ៉ុន = 4

死 (shi) ស៊ិ = សេចក្ដីស្លាប់

-លេខ 5

លេខ 5  បញ្ជាក់ពីពាក្យថា កូ-អិន (御縁) គឺការប្រទាក់ក្រឡា ការទាក់ទង ការជួបស្នហានិងតែងតែត្រូវមកប្រើក្នុងការដាក់ពិន្ទុ ឲ្យលំដាប់ ឬគុណភាពខ្ពស់ ។

-លេខ 7

ដោយសារជនជាតិជប៉ុនមានប្រពៃណីនៃការទទូលទានតិណទេស 7 ប្រភេទដែលជឿថាធ្វើឲ្យសុខភាពរាងកាយរឹងមាំ ក្រៅពីនេះជនជាតិជប៉ុនក៏គោរពអាទិទេពមួយក្រុមដែលអង្គុយលើទូកមហាសម្បត្តិដែលមាន 7 អង្គ ដោយមានជំនឿថានឹងនាំមកឲ្យនូវលាភសក្ការៈ ។

បើនរណាបើកហាង ឬឡើងគេហដ្ឋានថ្មី ជនជាតិជប៉ុននិយមជូនទូកមហាសម្បត្តិជាអំណោយ ដើម្បីជាសិរីមង្គល ។

តួលេខនេះត្រូវប្រើនៅតុហ្គេមនិងប៉ាជីនកូ (パチンコ/Pachinko)  វារៀងគ្នាពេលណា នឹងឈ្នះរង្វាន់ធំ ។

-លេខ 8

លេខ 8 មានន័យ 2 គឺលក្ខណៈនៃការសរសេរកាន់ជិ (かんじ/Kanji) នៅខាងចុងបើក (八) ជាលេខមង្គល បញ្ជាក់ថាចុងផ្លូវបើកទូលាយ ប្រាក់កាលហូរចូលកាន់តែច្រើន ចំណែកន័យ 1 ទៀតជាជំនឿបុរាណរបស់ជនជាតិជប៉ុនថា លេខ 8 ជាតួលេខនៃភាពបរិសុទ្ធរបស់អ្នកមានចំណេះដឹង ដូច្នេះហើយទើបយើងតែងតែឃើញឈ្មោះទីកន្លែងសំខាន់ៗផ្នែកចិត្តវិញ្ញាណក្នុងធម្មជាតិ និងសាសនដ្ឋានបុរាណមានឈ្មោះដែលមានលេខ 8 ដែលទទួលឥទ្ធិពលមកពីលទ្ធិ ខុងជឺ របស់ជនជាតិចិន នាំមកកាន់និកាយសេនរបស់ជប៉ុន ដោយមានជំនឿថាលេខ 8 ជាលេខនៃភាពសមតុល្យនិងភាពបរិបូរ ។

ពេលដាក់លេខ 8 ផ្ដេក នឹងឲ្យរូបភាពជានិមិត្តសញ្ញាអនន្ត ។

-លេខ 9

លេខ 9 បញ្ជាក់ពីពាក្យថា ឃឹ ឬ ឃុ (苦) មានន័យថា ភាពលំបាកវេទនា ជាលេខអពមង្គល ។

គេហដ្ឋាន សណ្ឋាគារ អាផាតមិនត៍ មន្ទីរពេទ្យជាដើមរបស់ជប៉ុនតែងតែបញ្ចៀសការច្នៃម៉ូដ ដោយប្រើតួលេខ 9 ។