អត្ថន័យរបស់ផ្កាកុលាប

ឈ្មោះជាភាសាខ្មែរៈ កុលាប

ឈ្មោះជាភាសាអង់គ្លេសៈ Rose

ឈ្មោះវិទ្យាសាស្ត្រៈ Rosa Hybrids

ប្រភពៈ ទ្វីបអាស៊ី

កុលាប ជាផ្កាមួយប្រភេទដែលត្រូវបាននិយមដាំបំផុតនៅក្នុងពិភពលោក ។ វាមានប្រភពនៅទ្វីបអាស៊ី គេនិយមដាំដើម្បីសោភ័ណភាព តុបតែងសួន, លម្អគេហដ្ឋាន, លម្អទីតាំងនិងដាំដើម្បីធ្វើអាជីវកម្ម ដូចជា​យកទៅធ្វើទឹកអ​ប់ គ្រឿងផ្សំរបស់ស្ប៉ា ជាដើម ។

1.កុលាបពណ៌ក្រហម (Red Rose)

មិនថាជាកុលាបក្រហមស្រាល ឬ ក្រហមស្រស់ វាបញ្ជាក់ពីការលង់ស្នេហ៍ ឬលួចចូលចិត្តនរណាម្នាក់ វាជាផ្កាតំណាងចិត្ត ដើម្បីប្រាប់ឲ្យដឹងថាមានមនុស្សកំពុងលួចចូលចិត្ត ។ ចំណែកកុលាបក្រហមចាស់ បើនរណាឲ្យផ្កាកុលាបក្រហម ចូរចងចាំថា គេម្នាក់នោះមានក្ដីស្រឡាញ់អស់ពីបេះដូង ជ្រាលជ្រៅ និង ស្មោះត្រង់ ហៅបានថាក្ដីស្រឡាញ់នោះគ្មានថ្ងៃសាបសូន្យពីបេះដូង ។

2.កុលាបពណ៌ទឹកក្រូច (Orange Rose)

កុលាបពណ៌ទឹកក្រូច បញ្ជក់ឲ្យឃើញពីភាពស្រស់​ស្រាយ ភាពជាខ្លួនឯង​របស់អ្នកទទួល ។ ពេលបាននៅជិត​​ហើយធ្វើឲ្យមានអារម្មណ៍​កក់ក្តៅ ហើយបញ្ជាក់ផងដែរពីអារម្មណ៍នៅក្នុងចិត្ត ដែលមានន័យដល់ក្តីស្រឡាញ់និងរឿងដែលបានជួប ។

3.កុលាបពណ៌ផ្កាឈូក (Pink Rose)

កុលាបពណ៌ផ្កាឈូក ជាភាពរ៉ូមែនទិចដែល​បង្ហាញពីក្តីស្រឡាញ់ដ៏ផ្អែមល្ហែមដែលអ្នកជូនមាន​ចំពោះអ្នកទទួល តែកុំអាលសប្បាយចិត្ត ព្រោះវាមិនមែន​ជាសេចក្តីស្រឡាញ់ដែលជ្រាលជ្រៅ គ្រាន់តែជាសេចក្តីស្រឡាញ់បែបផ្លេកបន្ទោរដែលត្រូវការផ្លាស់ប្តូរដើម្បីស្វែងរកអ្វីដែលគិតថាល្អបំផុតប៉ុណ្ណោះ ។

4.កុលាបពណ៌លឿង (Yellow Rose)

កុលាបពណ៌លឿងតំណាងឲ្យមិត្តភាព បញ្ជាក់ពីក្តី​បារម្ភរបស់អ្នកជូន បង្ហាញពីការប្រាថ្នាល្អ ត្រូវការឲ្យ​មាន​​សុខភាពល្អ ត្រជាក់ត្រជុំសុខដុមរមនា ។

មានមនុស្ស​ជាច្រើនជឿថា ផ្កាកុលាបពណ៌លឿងជាផ្កាសម្រាប់​​សួរ​សុខទុក្ខអ្នកជំងឺ តែតាមពិតទៅគឺអាចជូនមិត្តភក្តិនៅក្នុងឱកាសពិសេសបានដូចគ្នា ។

5.កុលាបពណ៌ផ្ទៃមេឃ (Blue Rose)

មានជំនឿថា កុលាបពណ៌ផ្ទៃមេឃ ជារុក្ខជាតិតំណាងឲ្យ​ភាពអត់ធ្មត់ រឹងមាំ ហើយក៏ជាផ្កានៃក្ដីស្រមៃដ៏ស្រស់ស្អាតនិង​គង់​វង្សជារៀងរហូតដែរ ។

6.កុលាបពណ៌ស្វាយ (Purple Rose)

អ្នកខ្លះគិតថា កុលាបពណ៌ស្វាយ ជាពណ៌នៃភាព​សោកសៅ ក្រៀមក្រំ នោះក៏ជាអត្ថន័យមួយទៀតដែរ ប៉ុន្តែបើ​មើលតាមទស្សនៈនៃសេចក្តីសុខ កុលាបពណ៌ស្វាយ បាន​បញ្ជាក់ឲ្យឃើញពីជោគជ័យនៅក្នុងជីវិតទៀតផង ។

7.កុលាបពណ៌ខ្មៅ (Black Rose)

អ្នកខ្លះគិតថា កុលាបពណ៌ខ្មៅ មានអត្ថន័យដូច កុលាប​ពណ៌ស្វាយ ប៉ុន្តែអត្ថន័យ​ពិតប្រាកដរបស់ កុលាបពណ៌ខ្មៅ គឺជ្រាលជ្រៅ, ជានិរន្ដរ៍ ដែលចង់បញ្ជាក់ដល់ស្នេហាជ្រាលជ្រៅជានិរន្តរ៍ ។

8.កុលាបពណ៌ស (White Rose)

កុលាបពណ៌ស បង្ហាញដល់សេចក្តីស្រឡាញ់ដែល​ស្រស់ស្អាត ល្អបរិសុទ្ធ គួរឲ្យចង់ថ្នាក់ថ្នម ដោយមិនគិតទេថាក្តីស្រឡាញ់ដែលប្រគល់ឲ្យនោះបានការតបស្នងឬអត់ ។

កុលាបពណ៌ស ត្រូវបាននិយមប្រើដើម្បីបង្ហាញពីក្តីស្រឡាញ់ស្មោះសររបស់ខ្លួន ដូចជាកូនចៅជូនចៅហ្វាយនាយ សិស្សជូនគ្រូបាអាចារ្យ កូនជូនឪពុកម្តាយ ជាដើម ។

ប្រភពឯកសារៈវេបសាយបរទេស

ប្រភពរូបភាពៈGoogle