អត្ថន័យរបស់ផ្កា លីលី

ឈ្មោះជាភាសាខ្មែរៈលីលី
ឈ្មោះជាភាសាអង់គ្លេសៈ Lily

ឈ្មោះវិទ្យាសាស្ត្រៈ Lilium spp

ឈ្មោះសាមញ្ញៈ Lily, Easter Lily

ប្រភពៈ ទ្វីបអាស៊ី ចិននិងជប៉ុន

លីលី ជាផ្កាប្រភេទមើម មានផ្កាធំៗស្អាត ប្រភេទខ្លះមានក្លិនក្រអូបឈ្ងុយពិដោរ ដែលត្រូវបានចាត់ទុកថាជាផ្កាមានតម្លៃបំផុតនាពេលបច្ចុប្បន្ននេះ ។

ផ្កាលីលី មានន័យខាងសាសនាគឺភាពបរិសុទ្ធ ទើបពណ៌សមានន័យដល់ព្រះម៉ែម៉ារី ខណៈដែល ពណ៌ក្រហមមានន័យដល់ក្តីស្រឡាញ់ដ៏បរិសុទ្ធ ទន់ភ្លន់ និង ស្លូតបូត ឬ ស្នេហ៍គ្រាដំបូង ។

ដោយសារអត្ថន័យបរិសុទ្ធផ្អែមល្ហែមបែបនេះហើយ ទើបធ្វើឲ្យផ្កាលីលីក្លាយជាផ្កាសម្រាប់ប្រគល់ ឲ្យ​គ្នា មិនថាជាមិត្តភក្តិ បងប្អូនសាច់ញាតិ ឬគូស្នេហ៍ ដោយមិនចាំ​បាច់​អឹមអៀន ។

1.លីលីពណ៌ទឹកក្រូច (Orange Lily)

លីលីពណ៌ទឹកក្រូច មានន័យដល់ភាពស្រស់​ស្រាយ​​​​ដូចពណ៌របស់វានោះឯង គឺភាពសប្បាយ រីក​រាយ មានក្តីសុខ ទើប លីលីពណ៌ទឹកក្រូច ក្លាយជាផ្កាដែលគួរជូនមិត្ត​ជិត​​ស្និទ្ធ​ ឬអ្នកស្គាល់គ្នា ។

2.លីលីពណ៌ផ្កាឈូក (Pink Lily)

លីលីពណ៌ផ្កាឈូក ជាផ្កាដែលស័ក្តិសមនឹងជូនគូស្នេហ៍ ដោយពណ៌ស្រស់របស់ពណ៌ផ្កាឈូក ទើបធ្វើឲ្យការជូនផ្កាលីលីពណ៌ផ្កាឈូក គឺជាការបង្ហាញដល់ក្តីស្រឡាញ់ដ៏ជ្រាលជ្រៅ ប្រភេទថានាងគឺជាជានារីដែលអ្នកយល់ថា​ មែន និងជាអ្វីដែលចូលចិត្ត ។

3.លីលីពណ៌លឿង (Yellow Lily)

លីលីពណ៌លឿង មានន័យដល់ស្នេហាដែលបង្ហាញពីក្តីបារម្ភ បារម្ភគ្រប់ពេលវេលា ចង់ឲ្យមានសុវត្ថិភាព ។

4.លីលីពណ៌ស (White Lily)

លីលីពណ៌សមានន័យដល់ភាពបរិសុទ្ធ ទន់ភ្លន់ និងផ្អែមល្ហែម ដូចជួបភក្រ្តជំពាក់ស្នេហ៍អ្វីបែបនោះ ។

5.លីលី អហ្វ ដឹ វ៉ាល់ឡេយ៍ (Lily of the Valley)

លីលី អហ្វ ដឹ វ៉ាល់ឡេយ៍ ត្រូវបានយកធ្វើជានិមិត្ត​សញ្ញានៃសេចក្តីសុខដែលវិលមកវិញ ព្រោះមានផ្តាតូចៗពណ៌សស្អាត មានសណ្ឋានដូចកណ្តឹងបន្តុបនឹងមែកឈើ មានក្លិនក្រអូបឈ្ងុយ ឬឲ្យ​ន័យ​ជ្រាលជ្រៅថា ភាពទន់ភ្លន់ផ្អែមល្ហែមរបស់អ្នក អាចជួយ​បំពេញ​ន័យជីវិតខ្ញុំឲ្យសម្បូរបែប ។

ប្រភពឯកសារៈវេបសាយបរទេស

ប្រភពរូបភាពៈGoogle