ជំនឿ 10 ពាក់ព័ន្ធនឹង «ស្នេហា» របស់ជនជាតិជប៉ុន

ជំនឿ 10 ពាក់ព័ន្ធនឹង «ស្នេហា» របស់ជនជាតិជប៉ុន

ពេលខ្លះមនុស្សយើងក៏ត្រូវការទីពឹងពាក់ចិត្តដើម្បីឲ្យ​ខ្លួនឯង​មានសំណាងល្អរឿង ស្នេហា ព្រោះពេលស្នេហា​ដំណើរការរលូនល្អហើយនោះ របស់នៅជុំវិញខ្លួនក៏មានសោភណ្ឌភាពតាមដែរ ដោយសារចិត្តរបស់យើងមានសេចក្ដីសុខនិងរីករាយនោះ​ឯង ។

ដូច្នេះហើយបើនរណាត្រូវការមានសំណាងល្អរឿងស្នេហា ចូរយកជំនឿរបស់ជនជាតិជប៉ុនប្រើសាក​ល្បង​​​មើល៍ ដែលមានដូចតទៅនេះ៖

1.បើសរសេរឈ្មោះអ្នកដែលយើងចូលចិត្តនឹងជ័រលុប ហើយប្រើឲ្យទាល់តែអស់ ដោយមិនឲ្យអ្នកដទៃប៉ះពាល់ នោះអ្នកនឹងបានសេពគប់ជាមួយនឹងម្នាក់នោះ ។

2.ពេលចេញពីផ្ទះពេលព្រឹក មុនឡើងឡាន ឬមុនរាក់ទាក់នរណា ត្រូវលើកដៃអង្អែលក្រវិល 3 ដង ហើយអធិដ្ឋាន ពេញមួយថ្ងៃនោះអ្នកនឹងមានមន្តស្នេហ៍ទាក់ទាញមនុស្សភេទផ្ទុយគ្នា ។

3.រកឱកាសចាប់ដៃនិងថ្ពក់កូនដៃជាមួយនឹងគូស្នេហ៍ហើយអធិដ្ឋានថា «សូមឲ្យអូន/បងស្រលាញ់និងស្មោះត្រង់ចំពោះអូន/បង ដោយមិនចាប់អារម្មណ៍អ្នកដទៃ» វាដូចជាពាក្យសន្យាដែលធ្វើឲ្យគេស្រលាញ់អ្នកមិនប្រែប្រួល ។

4.ដាក់កន្សែងជូតមុខពណ៌បៃតងតាមខ្លួននៅថ្ងៃដែលអ្នកចង់លួងលោម សុំត្រូវគ្នាវិញជាមួយនឹង​គូ​ស្នេហ៍ នឹង​ធ្វើឲ្យ លួងបានសម្រេច ។

5.ច្រៀងចម្រៀងស្នេហាឲ្យដួងចន្ទស្ដាប់ ស្អែកឡើងអ្នកនឹងមានសំណាងល្អ ។

6.អធិដ្ឋានពេលឃើញទូប្រៃសណីយ៍ពណ៌ក្រហម អ្នកនឹងមានសំណាងល្អ ។

7.កុំសរសេរឈ្មោះខ្លួនឯងនិងគូស្នេហ៍លើឆ្នេរខ្សាច់ ពេលទឹកជោរ វានឹងធ្វើឲ្យស្នេហារលប់តាមទឹក ។

8.ក្រែមលាបបបូរមាត់ពណ៌ផ្កាឈូកជាយ័ន្តស័ក្តិសិទ្ធិនាំសំណាងរឿងស្នេហា ពេលទៅដើរលេងតាមខេត្តជាមួយគ្នា ឬណាត់ជួបគ្នាដើរលេង (Date) នៅថ្ងៃសំខាន់ៗ ចូរយកក្រែមលាបបបូរមាត់ពណ៌ផ្កាឈូកទៅជាមួយផង ។

9.ពេលថតរូបជាក្រុម មនុស្សស្រីដែលឈរនៅចុងគេនឹងខកស្នេហ៍ ។

10.យករូបទេវី​កាមទេព (Venus) និងផ្កាកុលាបពណ៌ក្រហម ឬពណ៌ផ្កាឈូក 5-7 ត្របកដាក់​ក្នុងស្រោ​​មសំ​បុត្រ ពណ៌ផ្កាឈូក ហើយដាក់តាមខ្លួនរៀងរាល់ថ្ងៃសុក្រ អ្នកនឹងមានសំណាងល្អរឿងស្នេហា ៕

ប្រភពឯកសារៈវេបសាយបរទេស

ប្រភពរូបភាពៈGoogle