ប្ល៊ែកប័ររី

ប្ល៊ែកប័ររី (English: Blackberry )ជាផ្លែឈើព្រៃដែលអាចទទួលទានបាន ។ មានផ្លែជាចង្កោម (Aggregate fruit) ដូចពពួកផ្លែទាប ដើមវាប្រភេទគុម្ពមានបន្លា (Bramble) ជារុក្ខជាតិនៅក្នុងពពួកកុលាប អម្បូរកុលាបដែលមានរាប់រយប្រភេទ ។ ជារុក្ខជាតិដែលប្រទះឃើញជាទូទៅនៅតំបន់មានអាកាសធាតុក្ដៅឧណ្ហៗ នៅអឌ្ឍគោលខាងជើង ។

ប្ល៊ែកប័ររីខ្ចី-ទុំ-ទុំជោរ
ចំណាត់ថ្នាក់វិទ្យាសាស្រ្ត
អាណាចក្រ	Plants
លំដាប់	Rosales
អម្បូរ	Rosaceae
អម្បូររង	Rosoideae
ពួក	Rubus
ពួករង	Rubus (formerly Eubat​u​s)
ប្រភេទ	-Rubus ursinus -Rubus argutus -Rubus fruticosus - Com​m​on Black​berry And hundreds more micr​os​pecies (the subgenus also inclu​d​es the dewberries)
ក្រុម	flowering plants

មាតិកា

១.លក្ខណៈនិងការធំធាត់

២.តម្លៃអាហារូបត្ថម្ភក្នុង 100 ក្រាម

១.លក្ខណៈនិងការធំធាត់

ប្ល៊ែកប័ររីជារុក្ខជាដើមត្រង់ តែមែកជាមែកបែបរុក្ខជាតិពីរឆ្នាំដែលដុះចេញពីដើម ។

នៅឆ្នាំដំបូងមែកថ្មីនឹងដុះចេញមកយ៉ាងរហ័សនិងរឹងមាំ​មានប្រវែងពី3-6 ម៉ែត្រ ដែលជាមែក​កោង​និងវារលើដី ឬវេញគ្នាជាគុម្ព ។ មានស្លឹកធំដែលរួមមានស្លឹកតូចៗពី5-8 ។ នៅឆ្នាំដំបូង មែកថ្មីមិនទាន់ចេញផ្លែផ្កាទេ នៅឆ្នាំទីពីរមែកដែលដុះ​កាលពីឆ្នាំមុនក៏មិនទាន់ធំធាត់ ប៉ុន្តែចាប់មានផ្លែផ្កាហើយ ខណៈដែល​មែកថ្មីនៅតែដុះដើម្បីផលិតផ្លែផ្កានៅឆ្នាំបន្ទាប់ ។ មែកទាំងឆ្នាំដំបូងនិងឆ្នាំទី2នឹងមានបន្លាស្រួចរឹង តែក៏មាន​ពូជ​ដែលកើតឡើងដោយសារបង្កាត់នឹងគ្មានបន្លា ដើម្បីងាយស្រួលក្នុង​ការប្រមូលផល ។

ប្ល៊ែកប័ររីព្រៃ ឬប្ល៊ែកប័ររីដែលធំធាត់តាមធម្មជាតិជារុក្ខជាតិដែលលូតលាស់យ៉ាងឆាប់រហ័សនៅក្នុង​ព្រៃ តាមភ្នំតូចៗ តាមគុម្ពោធព្រៃនិងតាមគុម្ពោធឈើតាមដងផ្លូវ ។ ជារុក្ខជាតិ​ដែលអាចលូតលាស់លើដីមាន​សភាពមធ្យមបាន ។

ផ្កានឹងចេញនៅរដូវស្លឹកឈើលាស់ដល់រដូវក្ដៅ ដោយផ្កានីមួយ​ៗ​​មានសរសៃពុះកណ្ដាលប្រហែល 2-3 សង់ទីម៉ែត្រ មានស្រទាប់ពណ៌ស ឬផ្កាឈូកខ្ចី 5 ស្រទាប់ ដែលក្លាយជាផ្លែនៅចុងរដូវក្ដៅ ។ នៅខែសីហា ផ្លែដែលទុំនឹងមានពណ៌ខ្មៅដែលជាប្រភពរបស់ឈ្មោះ មានទំហំប៉ុនកូនដៃ រសជាតិមានតាំង​ពីជូរខ្លាំងទៅដល់ផ្អែម ដែលស័ក្តិសមសម្រាប់ការទទួល​ទានស្រស់ ឬធ្វើដំណាប់ ។

ប្ល៊ែកប័ររីមានសារធាតុចិញ្ចឹមដែលមានប្រយោជន៍ចំពោះ​រាងកាយខ្ពស់ ដែលរួមមានជាតិសរសៃ, វីតាមីន A, B, K, អាស៊ីតហ្វូលីក, អំបិលរ៉ែនិងម៉ង់ហ្គាណែស ។

២.តម្លៃអាហារូបត្ថម្ភក្នុង ១០០ ក្រាម
ឈ្មោះ	ទម្ងន់	ភាគរយ
ថាមពល	៤៣ កាឡូរី
កាបូអ៊ីដ្រាត	៩,៦១ ក្រាម
ជាតិស្ករ	៤,៨៨ ក្រាម
ជាតិសរសៃ	៥,៣ ក្រាម
ជាតិខ្លាញ់	០,៤៩ ក្រាម
ប្រូតេអ៊ីន	១,៣៩ ក្រាម
វីតាមីន
វីតាមីន A	២១៤ អាយយូ
វីតាមីន B1	០,០២០ មីលីក្រាម	២ %
វីតាមីន B2	០,០២៦ មីលីក្រាម	២ %
វីតាមីន B3	០,៦៤៦ មីលីក្រាម	៤ %
វីតាមីន B6	០,០៣០ មីលីក្រាម	៦ %
វីតាមីន B9	២៥ មីក្រូក្រាម	២៥ %
វីតាមីន C	២១,០ មីលីក្រាម	២ %
វីតាមីន E	១,១៧ មីលីក្រាម	៨ %
វីតាមីន K	១៩,៨ មីក្រូក្រាម	១៩ %
ធាតុរ៉ែ
កាល់ស្យូម	២៩ មីលីក្រាម	៣ %
ជាតិដែក	០,៦២ មីលីក្រាម	៥ %
ម៉ាញេស្យូម	២០ មីលីក្រាម	៦ %
ផូស្វ័រ	២២ មីលីក្រាម	៣ %
ប៉ូតាស្យូម	១៦២ មីលីក្រាម	៣ %
សូដ្យូម	១ មីលីក្រាម	០ %
ស័ង្កសី	០,៥៣ មីលីក្រាម	៦ %
អាយយូ = IU (International units)

ប្រភពឯកសារៈវេបសាយបរទេស
ប្រភពរូបភាពៈGoogle