រ៉េសប័ររី

រ៉េសប័ររី តាមសំនៀងអាមេរិក ឬ រ៉ាសប័ររី តាមសំនៀងអង់គ្លេសម្ចាស់ដើម (អង់គ្លសៈRaspberry) ជាឈ្មោផ្លែឈើច្រើនប្រភេទក្នុងពួក Rubus ក្នុងអម្បូរ Rosaceae មានដើមកំណើតមកពីតំបន់អឺរ៉ុប ។

មាតិកា

១.លក្ខណៈរុក្ខសាស្ត្រនិងការបង្កាត់ពូជ

២.ពូជរ៉េសប័ររី

៣.អត្ថប្រយោជន៍របស់រ៉េសប័ររី

៤.តម្លៃអាហារូបត្ថម្ភក្នុង 100 ក្រាម

១.លក្ខណៈរុក្ខសាស្ត្រនិងការបង្កាត់ពូជ

រ៉េសប័ររី ជារុក្ខជាតិដែលមានអាយុច្រើនឆ្នាំ ។ ដើមនិងតួដើមរបស់វារឹងមាំ អាចពង្រីកពូជធារបានជាហូរហែ ដោយគ្មានដែនកំណត់ ព្រោះវាអាចដុះខ្នែងក្លាយជាដើមថ្មីបាន​ ចំណែកឫសរបស់វានឹងចាក់ចូលទៅក្នុងដី ។

ផ្លែរបស់វាមានច្រើនពណ៌ មានទំហំតូចនិងអាចមានរោមទន់ៗស្រោបផ្លែ មានរសជាតិទាំងផ្អែម ទាំងជូរ ។

ការបង្កាត់ពូជរបស់រ៉េសប័ររីគឺប្រើពន្លកដែលដុះក្នុងមួយឆ្នាំៗនិងព្រោះគ្រាប់ (?) និងអាចលូតលាស់បានគ្រប់ស្ថានភាពអាកាសទូទាំងពិភពលោក តែត្រូវបាននិយមដាំនៅតំបន់ដែលមានអាកាសធាតុត្រជាក់ ដូចជាអាមេរិកនិងប៉ែកអឺរ៉ុប ។

ត្រួយរ៉េសប័ររី

ផ្ការ៉េសប័ររី

ផ្លែរ៉េសប័ររីក្រហម

ផ្លែរ៉េសប័ររីក្រហម

ផ្លែរ៉េសប័ររីលឿង

ផ្លែរ៉េសប័ររីចម្រុះពណ៌

 ២.ពូជរ៉េសប័ររី

·         Rubus crataegifolius (Asian raspberry)

·         Rubus gunnianus (Tasmanian alpine raspberry)

·         Rubus idaeus (European red raspberry)

·         Rubus leucodermis (Whitebark or Western raspberry, Blue raspberry, Black raspberry)

·         Rubus occidentalis (Black raspberry)

·         Rubus parvifolius (Australian native raspberry)

·         Rubus phoenicolasius (Wine raspberry or Wineberry)

·         Rubus rosifolius (Mauritius raspberry)

·         Rubus strigosus (American red raspberry) (syn. R. idaeus var. strigosus)

·         Rubus ellipticus (Yellow Himalayan Raspberry)

·         Rubus deliciosus (Boulder raspberry, subgenus Anoplobatus)

·         Rubus odoratus (Flowering raspberry, subgenus Anoplobatus)

·         Rubus nivalis (Snow raspberry, subgenus Chamaebatus)

·         Rubus arcticus (Arctic raspberry, subgenus Cyclactis)

·         Rubus sieboldii (Molucca raspberry, subgenus Malachobatus)

៣.អត្ថប្រយោជន៍របស់រ៉េសប័ររី

·         ស្លឹករបស់វាអាចធ្វើជាថ្នាំកែរោគបាន ។

·         ផ្លែមានជាតិប្រេងនិងកាឡូរីទាប ថែមទាំងសម្បូរកាកសរសៃជួយសម្រួលដល់ការបន្ទោរបង់ ។

·         ផ្លែមានសារធាតុប្រឆាំងអុកស៊ីតកម្ម ជួយបង្ការរោគា ។

·         ជួយប្រឆាំងនឹងជំងឺមហារីក ព្រោះផ្លែសម្បូរ Ellagic acid ។

·         ជួយបង្ការរោគបាត់បង់ការចងចាំ ។

·         ផ្លែសម្បូរវីតាមីន ជួយទប់ស្កាត់ការកើតនិងប្រឆាំងនឹងជំងឺមហារីកបានទៀតផង, ជួយកាត់ទប់ស្កាត់អាការស្បែកជ្រីវជ្រួញ, បំប៉នស្បែកនិងផ្សះស្បែក ឬរបួសឲ្យឆាប់ជា ។

·      មានសារធាតុរ៉ែសំខាន់ៗដូចជា ប៉ូតាស្យូម, ម៉ាញេស្យូម, មាសក្រហមនិងធាតុដែកដែលជួយគ្រប់គ្រងអាត្រានៃការលោតរបស់បេះដូង, ជួយគ្រប់គ្រងសម្ពាធឈាមនិងការផលិតគ្រាប់ឈាមក្រហម ។

·     ផ្លែសម្បូរវីតាមីនបេរួម, វីតាមីនខេនិងវីតាមីនជាច្រើនទៀតដែលមានចំណែកជួយឲ្យរាងកាយដុតបំផ្លាញសារធាតុកាបូអ៊ីដ្រាត, ប្រូទីននិងជាតិខ្លាញ់ ។

·         ផ្លែរ៉េសប័ររីមានជាតិស្ករទាប ទើបអាចជួយគ្រប់គ្រងទម្ងន់រាងកាយបាន ។

·         សារធាតុពណ៌ក្រហមក្នុងផ្លែរ៉េសប័ររីមានគុណសម្បត្តិក្នុងការជួយសម្រួលដល់រំហូរលោហិត ។

·         ផ្លែមានសារធាតុអាហារដែលជួយសម្រួលដល់ការបុត្រធីតា ។

·       ជួយកាត់បន្ថយការបាត់បង់ដែលកើតឡើងចំពោះមេជីវិតឈ្មោលដល់ទៅ 20% (មូលហេតុអាចមកពីមានសភាពផ្លូវចិត្តតានតឹង) ។

·         ជួយរក្សាសមតុល្យរបស់អរម៉ូនភេទបានល្អ ។

· ជួយកាត់បន្ថយបញ្ហារលូតកូន ព្រោះផ្លែរ៉េសប័ររីមាន Folate ដែលជាជំនួយបន្ថែមភាពសម្បូរបែបឲ្យអំព្រីយុងចន្លោះពេលមានផ្ទៃពោះ ។

·    ផ្លែរ៉េសប័ររីអាចទទួលទានស្រស់ៗ និងអាចធ្វើជាអាហារចម្អាប, បង្អែម, តំណាប់, នំ, ចាហួយ, ភេសជ្ជៈនិងតុបតែងលម្អនំ, ភេសជ្ជៈបានច្រើនមុខ ។

៤.តម្លៃអាហារូបត្ថម្ភក្នុង 100 ក្រាម
ឈ្មោះ	ទម្ងន់	ភាគរយ
ថាមពល	53 kcal
កាបូអ៊ីដ្រាត	11.94 g
ជាតិស្ករ	4.42 g
ជាតិសរសៃ	6.5 g
ជាតិខ្លាញ់	0.65 g
ប្រូតេអ៊ីន	1.2 g
វីតាមីន
វីតាមីន B1	0.032 mg	3%
វីតាមីន B2	0.038 mg	3%
វីតាមីន B3	0.598 mg	4%
វីតាមីន B5	0.329 mg	7%
វីតាមីន B6	0.055 mg	4%
វីតាមីន B9	21 μg	5%
កូលីន	12.3 mg	3%
វីតាមីន C	26.2 mg	32%
វីតាមីន E	0.87 mg	6%
វីតាមីន K	7.8 mg	7%
ធាតុរ៉ែ
កាល់ស្យូម	25 mg	3%
ជាតិដែក	0.69 mg	3%
ម៉ាញេស្យូម	22 mg	6%
ម៉ង់ហ្គាណែស	0.67 mg	32%
ផូស្វ័រ	29 mg	4%
ប៉ូតាស្យូម	151 mg	3%
សូដ្យូម	1 mg	0%
ស័ង្កសី	0.42 mg	4%
kcal (kilocalorie) = កាឡូរី μg (micrograms) = មីក្រូក្រាម mg ( milligrams) = មីលីក្រាម

ប្រភពឯកសារៈវេបសាយបរទេស

ប្រភពរូបភាពៈGoogle